HOBALL 筆記簿

July 21, 2009

金手指–大吉吉 論市

Filed under: 投機投資 — Tags: , — hoball @ 10:17 am

原文連結

金手指–大吉吉 發表於 2009-7-21 03:20 AM

股市上升會影響經濟, 因為股票市票係讓企業集資, 融資, 以及投資既地方, 而
且市民參與股市買賣, 亦會流入經濟,帶動m1 上升 , 有利消費! 儘管只是由政府
資金推動既泡沫 , 沒有經濟實質基礎推動 , 但資產上升, 都會影響經濟 ! 亦可以
話有利, 也有不利 ! 有利係需求 , 價格 ; 不利於 成本, 及競爭 ! 所以在流動性推
動既升市, 是沒有太多實質經濟既基礎 , 只是受資金推動 !!

股市只要有資金推動, 有人願意出更高既價格去承接, 股市就會上升 , 直至流動
性枯竭 ! 所以, 當經濟面出現通脹時,就會迫使政府抽走資金 , 市場流動性會枯竭,
從而帶領股市回吐至低估值水平!  呢個是沒有實質基礎既升浪的結果 !

不過, 在未出現通脹時, 資金仍然泛濫 , 就會有機會把資產市場推上至高位, 或
升至承接低既位置 , 這只是資金搞鬼 , 所以小弟形容此段時為 " 狂牛假象" !!!
並非真正的牛市 …皆因前面太多不肯定的因素, 斷言牛冲重臨, 是一個好樂觀
既睇法 , 因小弟對未來經濟持悲觀睇法 , 所以認為此時段只是一個熊市二期
反彈 ! 熊三將是在通脹來臨及政府抽走資金既時段 , 經濟又會向下大型調整!!
到時股市在缺乏流動性之下, 向下尋底整固 , 之後回升才是真正的牛市重來!!
也因如此, 好多朋友聽任總或著重基本因素去分析, 也是沒有錯, 只是股市最
重要是受資金影響 , 而資金又會受氣氛及信心影響 , 而氣氛及信心又會受數
據影響 , 而數據又會反映實體經濟 !  所以, 著重基本投資並沒有錯, 沒有實
質經濟支持既股市上升, 最後會跌落黎也是沒有錯 , 兩者只是時間問題!! 在
未出現這時間時, 所出現既升浪, 就會使著重基本因素既朋友失望, 抓不住低
位入市 ! 形成心理上想股市下跌, 股市卻受大戶舞來舞去, 未必如願 , 最後變
成著重基本因素既朋友, 都會被一浪高於一浪既升浪, 屏棄舊有既觀點, 重新
入市追貨 , 趕上尾班車 !

在此種情況之下  , 小弟認為如終抱懷疑及著重基本因素既朋友, 不用灰心!
如果抵受不住, 可以按平均線炒賣, 或按趨勢去買一些未來會受數據支持
既股, eg. 航運股 等. 如果不想短炒 , 只是投資, 那這段時間會較失望, 只有
等待泡沫盡頭降臨 ! 係小弟角度, 每一位朋友如果不擅長短炒既 , 就不要
怕賺唔到而入市短炒, 呢點根本同自己內心走反向, 最終會失敗!  因為, 心大
心細既朋友, 理論上是不會堅受止蝕位 ! 所以, 本來按基本分析等待低位,
變成忍唔住追買, 到股市回落, 資本已完全投入, 不止蝕又坐艇 ! 低位一到,
已經無資金可以買啦!

所以, 小弟忠告一言 , 趁這段時要清楚了解自己的投資取向, 不能飄忽不
定 , 否則容易出現偏差!! 學好投資知識 , 打好根基 , 錯失升浪賺長期知識,
除笨有精!  畢竟在股市, 贏輸既人都會有 , 但要在股市長勝就要有堅定既
投資學問及取向, 不容易受外圍影響 !!

在眼前的 , 並非必然 ! 眾望所歸的, 在股市所成全的機會率甚少! 始終在
這"狂牛假象" 既時段 , 普通散戶是會接大戶既高價貨 ! 能否在接貴貨时,
可以不做 last hand , 才是重要! 往往看似容易的事 , 就是最難的事!! 試想
一想過去股市急挫階段, 有否持蟹貨而不止蝕呀? 如果有, 認為是對還是
錯呢 ? 如果下一次再出現, 你選擇如何呢 ???

Leave a Comment »

No comments yet.

RSS feed for comments on this post. TrackBack URI

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: