HOBALL 筆記簿

July 29, 2009

Discuss.com.hk [狂牛假象再現] P.73-76 討論節錄

Filed under: 投機投資 — Tags: , , , , , — hoball @ 10:13 am

引用自discuss

金手指–大吉吉 發表於 2009-7-28 02:56 PM

小弟同大家分享一下 “ 熊三 “ 的主要觀點 .
首先, 先了解小弟對整體經濟及股市走勢既觀點因素 ! 自2007年股市創新高後,受到美國次按問題, 引發雷曼破產等延伸, 導至股市從高點急速回落至底位; 投資者心情亦由樂觀轉至悲觀 . 而這次股災令歐美金融體系受到重創 , 信貸系統癱瘓 , 最終需要歐美政府以利率政策及貨幣政策去盡全力打救, 才使各大銀行不至於破產!
自熊市來臨後, 實體經濟及資產市場都產生巨大既變動 , 然而在2008年第三,四季各國政府大量向銀行注入巨額流動資金, 再以擔保及購買國債企債等方式向市場釋放更多流動性 , 也實施量化寬鬆貨幣政策, 務求低息率, 高流動性利好資產市場,從而推動實體經濟復甦, 甚至回復增長 !

經濟在熊市周期運行, 會以U 型去反映泡沫化經濟爆破後, 導至的影響將以漫長的時間調整 ! 這U型走勢, 如果以道氏理論所描述 , 將是熊市一,二,三期至牛市一,二,三期既進化 ! 但這次超級股災, 各國政府救市及向市場注入或擔保等資金, 遠遠高出以往救市資金最多只有佔GDP 3% 既比例! 如果高過此數, 將會出現的負面因素越嚴重! 今次歐美政府所投入的救市資金, 以美國為例, 已經超越GDP 40% ! 中國4萬億救市實質資金1.1億佔GDP 3%, 但加地方政府的基建投資,卻遠高於3%, 以及銀行向市場大量低息新增貸款, 上半年已高達7萬億 ! 所以,在林林總總的救市資金推動經濟及股市 , 將把熊市U型運行周期, 中間出現一段 /\ 型 (倒V型) 走勢, 這段時間是反映政府海量既救市資金, 對經濟及資產市場所產生的利好反映 ! 所以, 經過救市資金後 , 熊市周期將會出現 W型走勢!

而小弟五步曲之中, “第二步 狂牛假象再現 , 全民論股 “ 的走勢, 是反映政府資金大量釋出, 導至出現 “ /\ “ 型 (倒V型) 格局, 而第二步剛好是 “ / “ 走勢,
即代表資金投入最高峰期, 對股市會產生利好! 由於, 政府資金投入在前, 股市反映在後 , 因為股市是屬落後反映 ! 而股市走勢, 卻又是實體經濟的領先指標,
因此 , 救市資金投入高峰期 , 過一段時間, 導至股市出現反映, 大反彈, 將使實體經濟數據有利好 …..! 所以出現一致性 及先後問題 ! 所以, 小弟稱之為 “狂牛假象” , 主要是受到資金所推動, 並非是由實體經濟的生產力及消費增長所帶動, 因此這動力不會有持續性 ! 而呢段時期, 小弟認為是熊市二期反彈, 而熊市二期反彈至技術走勢而論, 把所有分段下跌浪以黃金比率61.8%回彈即屬完結! 所以, 在7月27日, 恒指升至20385 , 剛好是把去年5月5日26387向下跌浪的61.8%. 這也是已達小弟 “第二步 狂牛假象再現 180日目標位 20300 “ !!!

由於, 各國政府救市資金及量化寬鬆信貸等措施, 都高於小弟的預測動力,所以最樂觀的20300點, 也提早達到! 而 “狂牛假象” 所分析的三個上升浪的動力,相信現時處於第二浪 , 待8月12日更加確認, 會否使第二浪的動力增大及加快!! 但小弟目標位已達, 也不作任何升勢預測, 只好講一句 “ 盡情享受 狂牛假象的升勢吧 “ !!!
至於 , 小弟7月27日所提出的 “熊三開始” , 這一點是配合小弟整體的經濟趨勢預測 ! 在計算 “狂牛假象” 動力時, 所推算的最樂觀目標, 剛好是所有分段下跌浪的終結 ! 在小弟的理論上 , 政府的救市資金 , 如果能夠讓股票升至這位置, 已經是資金投入的高峰期 , 所以在此後, 所投入的資金只會越來越減少,甚至出現回收的情況 ! 這也是救市資金 “ /\ 型” (倒V型) 的 “ \ “ 走勢! 在信貸高槓桿泡沫爆破後, 現時看不到有信貸再次槓桿化的情況化, 實體經濟將無可避免再次調頭回落整固, 而早前政府資金大量的投入, 到底對實體經濟的基礎打得有多穩固, 將會在”熊市三期” , 即是救市推動的 “/\型” 的 “ \ “ 走勢反映!!

所以, 以上已基本上已詳細講述 “ 狂牛假象 與 熊二 “ 及 “ 熊三開始 “ 的觀點! 因此, 小弟所指出的 “熊三開始 “ , 基礎是以資金流向 及 經濟數據作經濟論的定論, 這也是如上文所指 , 救市資金投入高峰期後,會影響股市向上升; 相反, “熊三開始” 也是指出政府資金已減少投入, 甚至慢慢回收, 收緊流動性,慢慢會影響股市走勢, 從而經濟數據也會再次變差 , 這將導至市場信心及氣氛由熾熱樂觀轉至失望悲觀 !

另外, 小弟把熊市周期走勢 及 政府資金投入 的 “ U 型” 及 “/\ 型 “ 走勢,將出現W型走勢, 只當作熊市周期的現象 , 並不把 “狂牛假象” 的上升浪作牛市論 ! 皆因, 以歷史, 實體經濟數據 , 資金流向等, 仍然看不到經濟有全面復甦的現象, 只有各別行業有利好情況, 這不足以把經濟的原動力再次大量燃起,最終需要時間讓各方面的供求回復平衡, 這復甦也是會有持續性! 牛市才會來臨!

至於, 小弟的第三步 “ 哀鴻遍野 信心崩潰 “ 何時開始發佈, 相信要到 “狂牛假象” 的餘勢反映得七七八八, 才會開始發佈! 畢竟, 第三季 及第四季初期是政府資金投入,經濟數據反映的高峰期, 而資金流向及通脹等因素, 仍然未有明顯出現大變動 , 以及熊三走勢比較漫長, 而最終在這段時期會出現一浪低於一浪既走勢, 如今熊二反彈餘勢未完 , 因此熊三初期是向上推既浪 , 推至頂位既浪後, 所出現的將是一浪低於一浪 , 這也是股市開始反映政府資金開始減弱及回收既時刻, 市場信心達到熾熱, 即” 狂牛假象” 的 全民論股 階段 ! 這時候小弟便會出 “ 第三步 哀鴻遍野 信心崩潰 “ , 以限期作預測 !

所以, 在小弟的目標位20300 已達後, 至第三步出現呢段時期, 小弟不會作升勢既預測 , 因此只能講一句 “ 朋友們 盡情享受 狂牛假象既 升勢吧 “ !!
最後總結, 再強調一點 , 熊三開始是一個大趨勢現象的開始, 這也是以資金流向及經濟數據等為基礎! 由於, 熊三初期仍然受到狂牛假象餘勢影響 , 所以對股市不會產生太大的逆轉現象; 另外, 小弟的第三步 主要反映熊三的一浪低於一浪的走勢, 如今熊三初期, 正處向上推動浪至浪頂, 達至全民論股後, 將會出現逆轉走勢, 最終目標把上升浪的裂口回補, 這會導至股民信心再一次由天堂跌至地獄 !!

 

原帖由 金手指–大吉吉 於 2009-7-21 06:57 PM 發表

哈哈….主席, 你形容既 " 嫩芽變夏枯草" 好生動喎 !  
唔知夏枯草會唔會再變 "冬虫草" …..哈哈 ……好值錢!
美聯儲已經跟政府走 , 無左獨立性可言! 所以, 伯南克會 …

 

原帖由 我係毛澤東 於 2009-7-21 06:57 PM 發表

上星期二聽証會白黑克對貨幣政策及經濟有3個總結,其實係大利好消息,不過我好奇怪點解報紙都無咩點著墨,不知是否別有用心。當晚佢認為, 1.量化政策維持不變, 2. 有信心控制通漲, 3.經濟依然疲弱, 這已大大消取市場對流動性既憂慮,我的確看不到在一年內有政策轉向的可能, 加息及美元反彈,亦不會出現, 第三季我繼續睇好。
至於第二波救市,或許真的不會出現,美股業績已出了大半, 90%好過預期,難怪當初班馬咁有信心話暫不需要第二波救市,不過美國極大機會進入復發性衰退,於反彈過後再次沉底,反正一切已欲罷不能,印炒救市如食白粉上癮,有得一次就有第二次。
另外內銀股大吉吉ching睇得比較淡,我依然係大好友,我認為內銀股只係處於升浪中期,雖然放貸大減又有壞帳問題,但市場將不會理會的,因為中國處於資產泡沫大爆發的過程當中,內銀的nav,包括所持物業及抵壓物業都水漲船高,從而改變內銀股的pb估值結構,就短線而言,8月我睇好內銀股,它們已跑輸恆指太久,而且市場對業績期有所期待,可能是下一升浪的主角都不一樣吧。
最後想回應的是,你的第三步我想而家提出是言之過早。全球央行轉馱加息—->實質通漲出現—–>市場憂慮新興國家控制唔到通漲 ——>資金全數回流美國——>美金大反彈—–>中國資產泡沫爆破。2010 6月前真係睇唔到有轉向既可能,後面既故事還有一段時間才發生, 我睇牛市頂比20300還要高多萬幾點,看似天方夜談,不過做人活於當下,享受泡沫吧。
[ 本帖最後由 我係毛澤東 於 2009-7-28 11:49 AM 編輯 ]

 

原帖由 金手指–大吉吉 發表

主席, 小弟所提出的第三步未有咁快出post, 只是到左目標位20300 , 唔想再出post 調高目標位,
所以呢段時間, 集中討論一下經濟方面同股市既各方面既分享! 投機最希望見泡沫, 回報率高! 所
以, 如果如主席所言, 美國已經欲罷不能, 唔印鈔都無辦法, 未來泡沫化會加速, 因此簡單一句’ 靠
心口掛個勇字, 買啦! "  ^^  
內銀股, 只是有朋友們問小弟合理值是多少而已 ! 按長期投資, 呢個位唔買啦! 投機就仲有機會! ^^
今晚建行公布上半年新增貸款7085億, 處理不良貸款196億, 如果呢個數係新增貸款既, 咁有2.76%!
已經高過淨息差! 如果股市調頭下挫, 新增貸款既不良應該遠遠高過2.76% ! 所以, 按歷史及國有
銀行既經營模式, 好難會安心投資!!
另外, 想與主席分享一個流動性既問題 , 小弟認為政府抽走資金或透過加息收緊信貸等措施, 呢d
動作會比較後期出現! 只要唔再新增流動性, 其實流動性會被 市場所吸走 , eg. 公司批股, 供股, 發
債發cd , ipo , 售資產, 以及國家發巨額債等, 都會抽走流動性 ! 所以, 未必要等到政府出手就代表
流動性玩完 ! 小弟認為市場調節功能, 配合股市風險增加, 都會自動去退熱 ! 而價格主導既通脹,內
地康師傅已經發難, 公仔麵加價! 呢個也開始會引發ppi , cpi 回升, 股市上升, 公司爭取轉嫁成本至
消費者, 改善公司毛利, 呢種趨勢內地已經開始! 最終呢種勢頭會影響出口企業, 儘管中國企業在出
口定價方面仍然處被動, 但出口退稅所支持人民幣處高位運行對出口企業既致命傷, 好快又會浮現!
所以, 小弟都會開始擔心內地資金會開始調整, 8月ppi 數字會有基礎變法, 雖然對工業產品有利,也
有利工業股等, 不過這也暗示價格通脹既壓力! 原材料係上半年仍然低成本, 用於支持下半年發展,
但第三季後, 原材料庫存開始減少, 價格受資產市場上升而推高好多, 睇怕價格通脹會加快影響資金
流向!
仲有一點, 金管局唔知係咪意識到風險, 每個月都增發外匯基金票據4百幾億以上, 吸走剩餘資金!
呢個做法, 值得讚賞 , 可惜力度仲唔夠! 為左減低香港風險, 又可以壓低資產上升既速度及力度,呢
招希望管用啦! 所以, 金管局每月抽走四百幾億資金, 外來流入既資金如果可以填補, 那屬對股市利
好, 相反就難講啦! 另外, 外匯基金票據三個月投標, 過去幾個月, 最少有5,6倍投標額 , 7月呢次反而
只有1.3倍 , 有點意外! 反而, 一年期有3.3倍左右申請 ! 呢個情況, 最明顯係意識到市場風險既舉動!
不過, 主席你有無其他觀點呢 ?  俄羅期又傳要 把盧布貶值30%, 呢個如果真 , 歐洲銀行真係牙煙啦!
最後一點, 主席你認為中國最終泡沫爆破 , 其實小弟最擔心香港做炮灰 ! 現時, 資金流入香港最少都
有4千億 , 如果飲飽食醉後, 拍拍屁股就流出 , 金管局呢一年接翻黎既美元, 經投資後, 無點賺, 但資金
流入都賺到翻一翻 , 金管局接港元沽盤時, 點搞呢 ??  會唔會發生呢? 定係小弟杞人憂天呢 ?! ^^ 主席
你點睇呢 ?

Advertisements

September 6, 2008

人生中三次好機會

Filed under: 投機投資 — Tags: , , , — hoball @ 12:01 pm

2008年09月05日(星期五)

日本股神是川銀藏話,每個人終其一生,都會碰到三次大好機會,只要把握其中一個已可衣食無憂;如能把握其中兩個可成為小富;能三個亦把握到,便可大富大貴。可唔可以及時把握,就要睇平時努力與身心磨練矣。

磨練係咩意思?就係學習理論然後與實踐結合;加上日夜思考嘅訓練,形成喺重大決斷時只憑直覺便可決勝(呢個直覺唔係天生就有,而係日夜磨練嘅結果。一如奧運跳水員,跳水姿勢咁優美背後係日夜咁訓練)。唔係喺股票賺錢時快樂、股票跌價時沮喪。我老曹1969至73年曾快快樂樂地喺股市賺錢,以為喺股市中賺錢好易,面對1974年超級大熊市,差一D被淹沒。好彩當年後生,從此痛下苦工,明白股票嘅錢唔係咁易賺。過去三十三年學曉喺牛市中累積財富,喺熊市中持盈保泰。1981/82、87、97及2007年10月熊市,都算我老曹幾好彩。

跌市要睇開D先有健康
累積財富三大層面;一、滙市;二、股市;三、房地產,背後都係日夜磨練。

1967到74年對我老曹嚟講係水過鴨背(賺得快、蝕得快);1975到2007年係財富累積期。可唔可以好似是川銀藏咁面對人生第三個大好機會時,再將財富翻兩番。

一生人有三次大好機會,因此唔好因一次跌倒而放棄未來兩個。

August 7, 2008

置業還是租屋住?

Filed under: 投機投資 — Tags: , , , , , , — hoball @ 11:38 pm

從討論區看到這文章,原文,引用如下:

老實講呢, 置業與否, 唔係100%睇目前價格

第一, 要睇你收入, 你搵到幾多先, ar唔afford到每月的供款? 收入是否穩定?
因為絕大部分人買樓都需要按揭, 一筆過的是富貴人家, 怕且人地買豪宅, 同一般人市場不同吧

第二, 要睇你既需要. 你用黎自住? 定係投資先? 老實講純投資, 唔建議你投資樓市, 因為有更多回報更高的途徑讓你去投資, 無謂投資這個要借按揭用槓桿兼轉手較慢的樓市
如果自住, 自己可以計下數

自住如何計數? 人人不同. 我可講講我自己的做法

一般出去租樓住, 會包管理費, 差餉地租, 維修, 家居保 (水電煤, 電話上網now則不計在內, 是為必需品, 因為你買定租都要交)
一般自己置業, 要自己比管理費, 差餉地租, 維修, 家居保, 兼要付按揭利息 (水電煤, 電話上網now則不計在內, 是為必需品, 因為你買定租都要交)

case study:
如果租樓, 樓價本是220萬, 月租10000, 包管理費, 差餉地租, 維修, 家居保
咁樣即係年租120000, 每年支出$120000住屋費

如果供樓, 66萬首期(3成), 借按揭1580000, hsbc p-2.75=2.5釐, 分20年, 月供8373, 即一年共付100476, 當中61%是利息(即係硬蝕的錢), 約61290, 其餘是還債, 扣本金39185(即現在拖欠本金變成1580000-39185=1540815), 老實講, 以目前息率, 呢個比例已計多左利息了, 不過唔緊要, 當出年加返息
管理費假設1000元(算中上價架喇), 管理費一年支出12000
差餉地租以租金10000估計, 一年約2400(差餉地租多少以estimate的租金某個%計算, 08年度不用繳交)
家居保, 視乎你保幾多, 百零蚊一個月已經ok, 估計一年支出1800已有找
維修, unkown, 無得計, 視乎你棟樓咩年紀, 我當預鬆20000元留待不時之需

好喇, 計下加減數
供樓一年使費=61290(按揭利息)+12000(管理費)+2400(差餉地租)+1800(家居保)+20000(每年留起20000元for維修)
一年使費=97490

有很多人以為, 月供8373元, 就是以呢個8373元同月租10000元去比較, 其實是大錯特錯
要記住, 你這個8373元的供款, 當中有一部分固然是蝕息比銀行, 但同時有一部分錢”依然屬於你的”, 因為已變成你間屋的一部分, 那份錢會扣減在你的本金中, 變相你係儲緊錢

使用以上方法, 才能精確點計出所需開支
租樓, 一年”付出”120000
置業, 一年”付出”97490 (已包儲錢維修費用)
如此一來, 置業比租樓節省22510開支(每年)

假如你將66萬首期放在銀行收息, 息率約1釐(目前利息), 你一年後可獲利息6600
你節省的, 不過是賺得這6600而己, 相比置業能省回來的22510為數更少(但你卻會以為自己賺緊銀行利息)

唯一不同既係, 租樓, 每月10000元就包曬
但供樓呢? 如果以上述條數計, 每月付出的會較多, 包括:
8373(供樓)+1000(管理費)+200(差餉地租)+150(家居保)+1700(每月儲起維修費用)
=11423
供樓, 每月支出11423元才包曬

最後compare多一次吧:
220萬樓, 月租10000全包, 月供8373(20年)

每月支出 一年“實蝕支出”
租樓             10000 120000-6600(該筆66萬首期放在銀行裡所得利息)=113400
買樓             11423 97490

July 26, 2008

各投資工具的性質

Filed under: 投機投資, 期貨 期權 認股證 牛熊證 — Tags: , , , — hoball @ 10:25 am

引用CTM的eddie:

股票宜長,不宜中,不宜短。乃增值之工具
期指宜短宜長,不宜中,適宜對沖大部位倉盤同搵食
期權宜中宜長,不宜短,適用於對沖及搵錢博發達
期油,黃金等商品期貨乃高風險投資,要小心!
外匯及外匯期權,風險不算高,但需對國際形勢及各國經濟有認識,技術分析技巧需求較大!

Create a free website or blog at WordPress.com.