HOBALL 筆記簿

November 24, 2008

木宰羊

Filed under: 投機投資 — Tags: , , — hoball @ 10:45 am

轉貼,不知出處

曹仁超常在文章中引用“木宰羊”此一口頭禪,意指莫名其妙,多年來香港讀者莫知其源起,他亦從未透露,遂成了一個謎。
曹仁超日前接受一份刊物訪問時,首次透露了“木宰羊”的出處,原來是台灣已故經營之神王永慶傳授的發達之法。
曹仁超說,1980年台塑最風光的時候,他去台灣訪問當時的華人首富王永慶,問他怎麼發達?王永慶用一句台灣土話回答:“木宰羊”。 王永慶的侍從解釋,多說些“木宰羊”,說多些便會發達。 “木宰羊”即是發達莫問因由。

曹 仁超的專欄時常出現“木宰羊”這詞語,其實此語由台灣話譯來。台灣話其實就是閩南語,福建人的「有」與「無」,一如廣東人的方言「有」與「冇」,發音為 「wu」和「bor」,後者沒有漢字字眼可以代之,故由他創出個「木」字來。「宰」字是「知」的意思,「知道」福建人說成「知影」,被香樹輝叫為「宰 羊」。「木宰羊」,就是不知道,即粵語中「唔知」的意思。而閩南語較正確的漢字寫法應是 “不知影”。

October 27, 2008

地產係十分有趣的行業

Filed under: 投機投資, 政治 經濟 — Tags: , , — hoball @ 11:50 am

2006年信報曹仁超

“地產係十分有趣行業。簡單D講係三三制(三分一地價、三分一建築成本、三分一地產發展商利潤),以五年回本期計,平均每年利潤只係本金12%(未扣除稅項),本來好合理。

利用建築期賣樓花,即建築成本由樓花收入支付,產生財務槓桿作用,令發展商變相唔使支付建築開支,如此一來,利潤便唔係佔樓價33%,而係投資本金66%,即平均每年利潤係本金24%(未扣除稅項)。

如 買入土地後去銀行按 70%,利潤唔再係資本66%(因資本其中70%來自按揭),一下子利潤係投入資金198%!即投入一百萬元,五年後變成三百萬元、十年後變成九百萬元! 上述未計樓價上升因素。如建築期間樓價上升,投入一百萬元,五年可變成五百萬元、十年後變成二千五百萬元!上述係投資地產吸引人地方。

如 樓價不升反跌,例如下跌30%,結果又如何?答案係投資者不但血本無歸,同時累銀行產生大量呆壞賬。例如1981至84年本港樓價只回落35%,引致唔少 中小型銀行被政府接管。換言之,利用財務槓桿,地產發展商有如炒期指,睇方向一本萬利,睇錯方向便孖展追上身。此乃1967年至今香港房地產雖然大部分日 子興旺,但成功地產商卻咁少之底因。”

September 6, 2008

人生中三次好機會

Filed under: 投機投資 — Tags: , , , — hoball @ 12:01 pm

2008年09月05日(星期五)

日本股神是川銀藏話,每個人終其一生,都會碰到三次大好機會,只要把握其中一個已可衣食無憂;如能把握其中兩個可成為小富;能三個亦把握到,便可大富大貴。可唔可以及時把握,就要睇平時努力與身心磨練矣。

磨練係咩意思?就係學習理論然後與實踐結合;加上日夜思考嘅訓練,形成喺重大決斷時只憑直覺便可決勝(呢個直覺唔係天生就有,而係日夜磨練嘅結果。一如奧運跳水員,跳水姿勢咁優美背後係日夜咁訓練)。唔係喺股票賺錢時快樂、股票跌價時沮喪。我老曹1969至73年曾快快樂樂地喺股市賺錢,以為喺股市中賺錢好易,面對1974年超級大熊市,差一D被淹沒。好彩當年後生,從此痛下苦工,明白股票嘅錢唔係咁易賺。過去三十三年學曉喺牛市中累積財富,喺熊市中持盈保泰。1981/82、87、97及2007年10月熊市,都算我老曹幾好彩。

跌市要睇開D先有健康
累積財富三大層面;一、滙市;二、股市;三、房地產,背後都係日夜磨練。

1967到74年對我老曹嚟講係水過鴨背(賺得快、蝕得快);1975到2007年係財富累積期。可唔可以好似是川銀藏咁面對人生第三個大好機會時,再將財富翻兩番。

一生人有三次大好機會,因此唔好因一次跌倒而放棄未來兩個。

Create a free website or blog at WordPress.com.