HOBALL 筆記簿

July 29, 2009

Discuss.com.hk [狂牛假象再現] P.73-76 討論節錄

Filed under: 投機投資 — Tags: , , , , , — hoball @ 10:13 am

引用自discuss

金手指–大吉吉 發表於 2009-7-28 02:56 PM

小弟同大家分享一下 “ 熊三 “ 的主要觀點 .
首先, 先了解小弟對整體經濟及股市走勢既觀點因素 ! 自2007年股市創新高後,受到美國次按問題, 引發雷曼破產等延伸, 導至股市從高點急速回落至底位; 投資者心情亦由樂觀轉至悲觀 . 而這次股災令歐美金融體系受到重創 , 信貸系統癱瘓 , 最終需要歐美政府以利率政策及貨幣政策去盡全力打救, 才使各大銀行不至於破產!
自熊市來臨後, 實體經濟及資產市場都產生巨大既變動 , 然而在2008年第三,四季各國政府大量向銀行注入巨額流動資金, 再以擔保及購買國債企債等方式向市場釋放更多流動性 , 也實施量化寬鬆貨幣政策, 務求低息率, 高流動性利好資產市場,從而推動實體經濟復甦, 甚至回復增長 !

經濟在熊市周期運行, 會以U 型去反映泡沫化經濟爆破後, 導至的影響將以漫長的時間調整 ! 這U型走勢, 如果以道氏理論所描述 , 將是熊市一,二,三期至牛市一,二,三期既進化 ! 但這次超級股災, 各國政府救市及向市場注入或擔保等資金, 遠遠高出以往救市資金最多只有佔GDP 3% 既比例! 如果高過此數, 將會出現的負面因素越嚴重! 今次歐美政府所投入的救市資金, 以美國為例, 已經超越GDP 40% ! 中國4萬億救市實質資金1.1億佔GDP 3%, 但加地方政府的基建投資,卻遠高於3%, 以及銀行向市場大量低息新增貸款, 上半年已高達7萬億 ! 所以,在林林總總的救市資金推動經濟及股市 , 將把熊市U型運行周期, 中間出現一段 /\ 型 (倒V型) 走勢, 這段時間是反映政府海量既救市資金, 對經濟及資產市場所產生的利好反映 ! 所以, 經過救市資金後 , 熊市周期將會出現 W型走勢!

而小弟五步曲之中, “第二步 狂牛假象再現 , 全民論股 “ 的走勢, 是反映政府資金大量釋出, 導至出現 “ /\ “ 型 (倒V型) 格局, 而第二步剛好是 “ / “ 走勢,
即代表資金投入最高峰期, 對股市會產生利好! 由於, 政府資金投入在前, 股市反映在後 , 因為股市是屬落後反映 ! 而股市走勢, 卻又是實體經濟的領先指標,
因此 , 救市資金投入高峰期 , 過一段時間, 導至股市出現反映, 大反彈, 將使實體經濟數據有利好 …..! 所以出現一致性 及先後問題 ! 所以, 小弟稱之為 “狂牛假象” , 主要是受到資金所推動, 並非是由實體經濟的生產力及消費增長所帶動, 因此這動力不會有持續性 ! 而呢段時期, 小弟認為是熊市二期反彈, 而熊市二期反彈至技術走勢而論, 把所有分段下跌浪以黃金比率61.8%回彈即屬完結! 所以, 在7月27日, 恒指升至20385 , 剛好是把去年5月5日26387向下跌浪的61.8%. 這也是已達小弟 “第二步 狂牛假象再現 180日目標位 20300 “ !!!

由於, 各國政府救市資金及量化寬鬆信貸等措施, 都高於小弟的預測動力,所以最樂觀的20300點, 也提早達到! 而 “狂牛假象” 所分析的三個上升浪的動力,相信現時處於第二浪 , 待8月12日更加確認, 會否使第二浪的動力增大及加快!! 但小弟目標位已達, 也不作任何升勢預測, 只好講一句 “ 盡情享受 狂牛假象的升勢吧 “ !!!
至於 , 小弟7月27日所提出的 “熊三開始” , 這一點是配合小弟整體的經濟趨勢預測 ! 在計算 “狂牛假象” 動力時, 所推算的最樂觀目標, 剛好是所有分段下跌浪的終結 ! 在小弟的理論上 , 政府的救市資金 , 如果能夠讓股票升至這位置, 已經是資金投入的高峰期 , 所以在此後, 所投入的資金只會越來越減少,甚至出現回收的情況 ! 這也是救市資金 “ /\ 型” (倒V型) 的 “ \ “ 走勢! 在信貸高槓桿泡沫爆破後, 現時看不到有信貸再次槓桿化的情況化, 實體經濟將無可避免再次調頭回落整固, 而早前政府資金大量的投入, 到底對實體經濟的基礎打得有多穩固, 將會在”熊市三期” , 即是救市推動的 “/\型” 的 “ \ “ 走勢反映!!

所以, 以上已基本上已詳細講述 “ 狂牛假象 與 熊二 “ 及 “ 熊三開始 “ 的觀點! 因此, 小弟所指出的 “熊三開始 “ , 基礎是以資金流向 及 經濟數據作經濟論的定論, 這也是如上文所指 , 救市資金投入高峰期後,會影響股市向上升; 相反, “熊三開始” 也是指出政府資金已減少投入, 甚至慢慢回收, 收緊流動性,慢慢會影響股市走勢, 從而經濟數據也會再次變差 , 這將導至市場信心及氣氛由熾熱樂觀轉至失望悲觀 !

另外, 小弟把熊市周期走勢 及 政府資金投入 的 “ U 型” 及 “/\ 型 “ 走勢,將出現W型走勢, 只當作熊市周期的現象 , 並不把 “狂牛假象” 的上升浪作牛市論 ! 皆因, 以歷史, 實體經濟數據 , 資金流向等, 仍然看不到經濟有全面復甦的現象, 只有各別行業有利好情況, 這不足以把經濟的原動力再次大量燃起,最終需要時間讓各方面的供求回復平衡, 這復甦也是會有持續性! 牛市才會來臨!

至於, 小弟的第三步 “ 哀鴻遍野 信心崩潰 “ 何時開始發佈, 相信要到 “狂牛假象” 的餘勢反映得七七八八, 才會開始發佈! 畢竟, 第三季 及第四季初期是政府資金投入,經濟數據反映的高峰期, 而資金流向及通脹等因素, 仍然未有明顯出現大變動 , 以及熊三走勢比較漫長, 而最終在這段時期會出現一浪低於一浪既走勢, 如今熊二反彈餘勢未完 , 因此熊三初期是向上推既浪 , 推至頂位既浪後, 所出現的將是一浪低於一浪 , 這也是股市開始反映政府資金開始減弱及回收既時刻, 市場信心達到熾熱, 即” 狂牛假象” 的 全民論股 階段 ! 這時候小弟便會出 “ 第三步 哀鴻遍野 信心崩潰 “ , 以限期作預測 !

所以, 在小弟的目標位20300 已達後, 至第三步出現呢段時期, 小弟不會作升勢既預測 , 因此只能講一句 “ 朋友們 盡情享受 狂牛假象既 升勢吧 “ !!
最後總結, 再強調一點 , 熊三開始是一個大趨勢現象的開始, 這也是以資金流向及經濟數據等為基礎! 由於, 熊三初期仍然受到狂牛假象餘勢影響 , 所以對股市不會產生太大的逆轉現象; 另外, 小弟的第三步 主要反映熊三的一浪低於一浪的走勢, 如今熊三初期, 正處向上推動浪至浪頂, 達至全民論股後, 將會出現逆轉走勢, 最終目標把上升浪的裂口回補, 這會導至股民信心再一次由天堂跌至地獄 !!

 

原帖由 金手指–大吉吉 於 2009-7-21 06:57 PM 發表

哈哈….主席, 你形容既 " 嫩芽變夏枯草" 好生動喎 !  
唔知夏枯草會唔會再變 "冬虫草" …..哈哈 ……好值錢!
美聯儲已經跟政府走 , 無左獨立性可言! 所以, 伯南克會 …

 

原帖由 我係毛澤東 於 2009-7-21 06:57 PM 發表

上星期二聽証會白黑克對貨幣政策及經濟有3個總結,其實係大利好消息,不過我好奇怪點解報紙都無咩點著墨,不知是否別有用心。當晚佢認為, 1.量化政策維持不變, 2. 有信心控制通漲, 3.經濟依然疲弱, 這已大大消取市場對流動性既憂慮,我的確看不到在一年內有政策轉向的可能, 加息及美元反彈,亦不會出現, 第三季我繼續睇好。
至於第二波救市,或許真的不會出現,美股業績已出了大半, 90%好過預期,難怪當初班馬咁有信心話暫不需要第二波救市,不過美國極大機會進入復發性衰退,於反彈過後再次沉底,反正一切已欲罷不能,印炒救市如食白粉上癮,有得一次就有第二次。
另外內銀股大吉吉ching睇得比較淡,我依然係大好友,我認為內銀股只係處於升浪中期,雖然放貸大減又有壞帳問題,但市場將不會理會的,因為中國處於資產泡沫大爆發的過程當中,內銀的nav,包括所持物業及抵壓物業都水漲船高,從而改變內銀股的pb估值結構,就短線而言,8月我睇好內銀股,它們已跑輸恆指太久,而且市場對業績期有所期待,可能是下一升浪的主角都不一樣吧。
最後想回應的是,你的第三步我想而家提出是言之過早。全球央行轉馱加息—->實質通漲出現—–>市場憂慮新興國家控制唔到通漲 ——>資金全數回流美國——>美金大反彈—–>中國資產泡沫爆破。2010 6月前真係睇唔到有轉向既可能,後面既故事還有一段時間才發生, 我睇牛市頂比20300還要高多萬幾點,看似天方夜談,不過做人活於當下,享受泡沫吧。
[ 本帖最後由 我係毛澤東 於 2009-7-28 11:49 AM 編輯 ]

 

原帖由 金手指–大吉吉 發表

主席, 小弟所提出的第三步未有咁快出post, 只是到左目標位20300 , 唔想再出post 調高目標位,
所以呢段時間, 集中討論一下經濟方面同股市既各方面既分享! 投機最希望見泡沫, 回報率高! 所
以, 如果如主席所言, 美國已經欲罷不能, 唔印鈔都無辦法, 未來泡沫化會加速, 因此簡單一句’ 靠
心口掛個勇字, 買啦! "  ^^  
內銀股, 只是有朋友們問小弟合理值是多少而已 ! 按長期投資, 呢個位唔買啦! 投機就仲有機會! ^^
今晚建行公布上半年新增貸款7085億, 處理不良貸款196億, 如果呢個數係新增貸款既, 咁有2.76%!
已經高過淨息差! 如果股市調頭下挫, 新增貸款既不良應該遠遠高過2.76% ! 所以, 按歷史及國有
銀行既經營模式, 好難會安心投資!!
另外, 想與主席分享一個流動性既問題 , 小弟認為政府抽走資金或透過加息收緊信貸等措施, 呢d
動作會比較後期出現! 只要唔再新增流動性, 其實流動性會被 市場所吸走 , eg. 公司批股, 供股, 發
債發cd , ipo , 售資產, 以及國家發巨額債等, 都會抽走流動性 ! 所以, 未必要等到政府出手就代表
流動性玩完 ! 小弟認為市場調節功能, 配合股市風險增加, 都會自動去退熱 ! 而價格主導既通脹,內
地康師傅已經發難, 公仔麵加價! 呢個也開始會引發ppi , cpi 回升, 股市上升, 公司爭取轉嫁成本至
消費者, 改善公司毛利, 呢種趨勢內地已經開始! 最終呢種勢頭會影響出口企業, 儘管中國企業在出
口定價方面仍然處被動, 但出口退稅所支持人民幣處高位運行對出口企業既致命傷, 好快又會浮現!
所以, 小弟都會開始擔心內地資金會開始調整, 8月ppi 數字會有基礎變法, 雖然對工業產品有利,也
有利工業股等, 不過這也暗示價格通脹既壓力! 原材料係上半年仍然低成本, 用於支持下半年發展,
但第三季後, 原材料庫存開始減少, 價格受資產市場上升而推高好多, 睇怕價格通脹會加快影響資金
流向!
仲有一點, 金管局唔知係咪意識到風險, 每個月都增發外匯基金票據4百幾億以上, 吸走剩餘資金!
呢個做法, 值得讚賞 , 可惜力度仲唔夠! 為左減低香港風險, 又可以壓低資產上升既速度及力度,呢
招希望管用啦! 所以, 金管局每月抽走四百幾億資金, 外來流入既資金如果可以填補, 那屬對股市利
好, 相反就難講啦! 另外, 外匯基金票據三個月投標, 過去幾個月, 最少有5,6倍投標額 , 7月呢次反而
只有1.3倍 , 有點意外! 反而, 一年期有3.3倍左右申請 ! 呢個情況, 最明顯係意識到市場風險既舉動!
不過, 主席你有無其他觀點呢 ?  俄羅期又傳要 把盧布貶值30%, 呢個如果真 , 歐洲銀行真係牙煙啦!
最後一點, 主席你認為中國最終泡沫爆破 , 其實小弟最擔心香港做炮灰 ! 現時, 資金流入香港最少都
有4千億 , 如果飲飽食醉後, 拍拍屁股就流出 , 金管局呢一年接翻黎既美元, 經投資後, 無點賺, 但資金
流入都賺到翻一翻 , 金管局接港元沽盤時, 點搞呢 ??  會唔會發生呢? 定係小弟杞人憂天呢 ?! ^^ 主席
你點睇呢 ?

Advertisements

July 21, 2009

Discuss.com.hk [狂牛假象再現] P.63 討論節錄

原文於此

星期二 14:14 伯南克預告或撤寬鬆貨幣政策 (商台財經 7月21日)

聯儲局主席伯南克指,雖然目前的寬鬆貨幣政策會維持一段時間,但若果經濟恢復動力,會在適當時候,以有秩序及平穩手段,退出量化寬鬆貨幣政策,收緊銀根, 避免刺激通脹。  伯南克的言論,令部份資金的避險意識再度增加,美國國庫債券價格,及圓匯均上升。不過,有經濟分析員認為,伯南克是希望提早調節市場期 望,相信最終仍要視乎經濟及銀行業狀況,才能考慮改變貨幣政策。  伯南克指,目前銀行及金融機構,存放在聯儲局的資金,高達八千億美元,遠高於正常水 平,隨著經濟好轉,市場對銀行貸款需求增加,將令貨幣供應大增。他在文章中指出,屆時可透過按儲備金向銀行支付,或財政部發債後,將資金存放在聯儲局,以 吸收市場過剩資金。

原帖由 kingofpower 於 2009-7-21 02:47 PM 發表

而家唔係3-4年一次的週期性衰性, 靠印鈔去扭曲價格去改變一個普通週期, 2003 o個次週期已經係透過derivatives 的超槓杆(>40x)信貸去產生的, 傳統信貸系統只係12.5x

不如下次超槓到100x, 個市跌1%就call margin

地球須要蕭條, 正確叫市場機制下的自我調節

超槓杆後再以量化寬鬆扭曲價格就會出現 so-called stagflation, wimar Republic (發起WW2)係俵俵者

係最初的stage, 產能過剩 offset 量化寬鬆 (即係 deflation stage), 當產能因環球實体貿易收縮 摺埋…量化寬鬆就發揮威力, 進入 stagflation stage, 之後就WW3

呢個就係1929後的結局, 要防止歷史重演, 一定要回收流動性, 研究過1929的人最清楚(尤其聯儲局主席伯南克)

結局只有
(1) stag-hyperinflation, 之後WW3, 倖存者返回金本位
(2) great depression

原帖由 我係毛澤東 於 2009-7-21 02:47 PM 發表

你所講既野我都認同, 所以我既post中都講, 大蕭條係很大程度上是不能避免的, 但對股市既態度就好唔同, 理由我前post都講晒,而家簡單總結下,
1. 我唔係經濟學家, 經濟好壞我並不首要關心,
2. 我只係對股市既趨勢有興趣。
全世界任何一個國家實行qe都不及美國更具震撼性,  白藍黑既然選擇係3月18日打開潘朵拉的盒子, 所有事情已經變得欲罷不能, 貨幣政策決定了方向怎能話改就改朝秦暮楚,
況且係一年之內我睇唔到任何實質通漲的理由, 收回流動性言之尚早,反而嫩芽再不灌水變夏枯草,因此美國極需要第二次救市, 應該比第一次更有規模,再印更多銀紙先係。

歷史上從來一個泡沫cover一個泡沫, 科網夠勁啦, 就以信貸搞掂, 信貸爆啦,就用貨幣泡沫搞掂,如果白藍克唔想再用泡沫救泡沫, 就應該當初唔好救市,唔好注資任其腐爛,置誅死地而後生,如果佢想做救世主從經濟因素改善環境,佢應好好諗下點樣解決科技進步 and 全球人口老化呢兩個問題,既然佢只能救市不能經濟,選擇了打開潘朵拉的盒子,就應該從一而終,讓我盡情享受泡沫吧。

原帖由 kingofpower 於 2009-7-21 02:47 PM 發表

科網並不是由信貸衍生的泡沫, 係另一次的生產力改進(網絡 eg cisco, google,…), 再對上一次係電腦硬/軟件(eg intel, microsft,..) 衍生的生產力上升, …… 百年前係電力 (eg GE,..), 每一次淘汰淨的建立一個全新的產業

真泡沫只有 (1)鬱金香球莖 <–完全係垃圾 (2)信貸泡沫  如1929, 2007

而2003係乜?? 只係放棄伝統信貸的規範, 產生以 derivatives underwrite的無抵押信貸 令槓杆大大增加

首先, 唔好講太陽能, 水力, 風力….呢d老土過老土的野 為另一次 生產力上升的幻想

得番的只係超超槓(say 120倍), 即比上一次超槓(~40倍)更高的槓杆, 3-5年後再爆 印鈔又比今次大3倍….超超超槓360倍, 10年後已變為有人任篤手指

槓杆愈大可承受風險愈小, 郁小小就爆

況且上文已講, 續印不回收的結局只有WW3, 根本任何一個大國都好清楚

津巴布韋的潘櫢拉匣子

原帖由 金手指–大吉吉 發表

哈哈….主席, 你形容既 ” 嫩芽變夏枯草” 好生動喎 !

唔知夏枯草會唔會再變 “冬虫草” …..哈哈 ……好值錢!

美聯儲已經跟政府走 , 無左獨立性可言! 所以, 伯南克會唔會因政府懼怕高通脹來臨,
摧毀美元價值及美債市場 , 而變得模稜兩可 !! 美國人無工開,部分州政府又加稅, 又減
福利 , 無儲蓄債務重, 如果無實質派錢到美國人手上, 好似退稅及增加救濟金等實質措
施, 只靠炒高資產, 等投資釋放及獲利再消費, 變成不可靠! 所以, 錢不到美國人手上, 好
難在債務重既時候再加大消費! 一係學澳門, 新加坡, 台灣咁派錢或消費卷俾市民去消費,
呢個可以刺激消費市場 ! 但….諗番起, 美債規模, 派錢既方法真係難實行, 矛盾重重!! 聽
到話救市要向發展基建, 聽到簡直打個突…….凱恩斯學派花錢去基建? 唔係呱! 有用咩?

主席, 老實講, 小弟都唔想你既盡情享受泡泡想法成立 , 如果真係出現, 救唔番經濟,
後果好嚴重!! ^^  cappuccino 既泡泡夠啦 , 唔好有 ” 大力搖啤酒, 再灌入杯既泡泡”呀!

原帖由 金手指–大吉吉 發表

主席, 伯南克警告印鈔會導至通脹既言論, 係6月初已經出現! 佢當時既言論都嚇親左小弟,
大家都認定佢係印鈔專家 , 唔印唔開心, 點解食正左佢個番, 唔係好好發揮, 反而擔心! 呢
一點令小弟都深思左 ! 最後, 得出既結果, 佢一生致力研究1929年大蕭條經濟既專家, 但奈
何時代唔同左, 當時既經濟結構同現時既結構已截然不同! 所以, 在當時經濟模式, 印鈔不
但解決問題, 也會有效地消化產量過剩 , 工業化生產都需要大量勞力, 恰好解決左失業大軍!
現時, 美國工業佔gdp 只有不足30%, 顧用人數也已非當年而論, 美國工業生產都已經規模
化及科技化, 勞工需求已經減到最少! 所以, 印鈔活動只會解決工業產值, 產量及儲存, 但不
會大幅改變顧用勞工既數目及福利大過天既事實! 只能催谷泡沫化, 再次利用槓桿化解信貸
爆破既後遺症, 把金融機構毒資產回復價格及脫手, 最終利用銀行去放量信貸, 救活經濟!
可惜, 事與願違 !

小弟睇伯南克既言論, 就算談及退市策略, 也只是屬初期 ! 因為係美國既貨弊政策用作救市
既多個方案之中, 貼現窗無限量借貸已經需求大幅減少, 理論上銀行已經不需要透過貼現窗
向聯儲局拆借資金! 所以呢個去年第四季最有用既貨幣功能, 現時可以功成身退! 另外, 在其
言論也提及銀行過量資金停泊聯儲局戶口, 這會導至銀行不願意放量貸款  , 所以早前美政府
把幾個場外衍生市場運作條例收緊, 務求使銀行在場外既交易, 政府需要監管! 這種不但有效
阻止銀行業場外槓桿式既交易, 也可以把過往高槓桿既危險經營模式暫時被控制! 最終, 美銀
行業都會從事傳統既放貸業務, 利用高信貸減退既效應, 使儲蓄率回升既良機, 藉此可作放量
信貸! 銀行做唔做又另一回事!

因此, 伯南克就算出退市預告及路線, 也只是把不用的去掉 , 留番有用的! 最終, 美政府及聯
儲局既焦點會放在美債及美元身上 , 財政年度大量赤字及未來需大量增發債務 , 印鈔支持債
價是不可避免 , 就算有退市策略, 也只是在與銀行業相關! 簡單講, 只是透過退市路線, 再次
利用角色模糊既方向, 量化寬鬆信貸 及 印鈔是不會短暫改變的! 所以, 就算今晚公布退市策
略, 令股市大回吐, 也只會短暫現象, 畢竟市場資金充裕, 氣氛改善, 消化完後, 第三,四季既
滯後數據會出現短暫受救市影響而利好 ! 聯儲局運用呢段時間, 去推動市場去確信經濟復甦
既觀點 , 使市場大範圍信心在震動後, 看見數據見好, 重新回復! 最終引導資金流入美元資產!

不過更詳細既原因,都是等個結果!  小弟觀點, 美國印鈔無可能咁快停止! 除非佢想個經濟如主
席你所言, 變成大蕭條啦, 咁全球資金流入美元 ! 哈哈……咁德銀個美元大反彈 , 咪會成立囉!^^

Create a free website or blog at WordPress.com.